絲打圍佬丨陳豪昔日群模特兒夜蒲冇曳曳 與陳茵媺設愛的密碼嗌交有個譜

陳豪獲邀到網台《絲打圍佬》接受楊詩敏（蝦頭）和連詩雅（Shiga）的訪問，大談男性的幻想。蝦頭和Shiga形容陳豪是男性的「天花板」，一直以來都是兩人的FF（幻想）對象，兩人跟陳豪演短趣劇，而陳豪非常有紳士風度，代Shiga接受辣食物的懲罰，令兩位女士都心心眼。陳豪坦言自己都經歷過一周蒲蘭桂坊三、四晚的日子，由於當年群模特兒夜夜笙歌，不過只是「打嘴炮」大聲揚言自己帶幾多女朋友回家，但最終其實自己獨個兒離開，從沒有試過真的帶女性回家過夜。

同場加映：痞子殿下丨陳瀅彈JW最大缺點係忍唔到笑 難忘拍劇捱眼瞓 攬埋一齊喊

{{hket:ul-video id="6388"}}{{/hket:ul-video}}

白色強人II丨童星片場溫書陳豪開口幫「補習」 聞方哲翷讀呢科在場醫生都褪軚【下一頁】

{{hket:inline-image name="mo2.jpg"}}{{/hket:inline-image}}

{{hket:inline-image name="mo4.jpg"}}{{/hket:inline-image}}

陳豪表示跟太太陳茵媺（Aimee）不是一見鍾情，雖然年紀相差十年，但相處上感覺想法、品味、性格都好相近，「我係一個感覺行先嘅人，多過去睇一個女性點符合我要嘅條件。」他認為男主外、女主內，家中的波士應該是太太，家中大小都由她話事，提到Aimee多年來都保養得非常好，是否成為他的FF對象？陳豪笑言：「我明大家覺得Aimee好正，先令我更加愛佢，其實唔係外在問題，我哋相處咁多年來都冇乜點嗌過交，有意見不合，但大家會溝通，會有唔出聲、擰歪面，但從來一句都冇傷害對方嘅說話。我哋一直維繫一個好透明，互相尊重對方感受，先可以長遠維繫呢段感情。當然佢keep得咁靚身形同外貌，一定會令男人流晒口水，但相處真係因為性格。」

陳豪透露跟Aimee之間有個協議，兩公婆之間沒有任何秘密，更有一個緊急用的「愛的密碼」，他說：「我哋有個緊急密碼，當我哋嗌交嗌到面紅耳熱時，嘈到就要離婚之際，一講個密碼，就要放下一切去愛對方。」

陳茵媺陳豪周末坐直昇機「度假」 招積囡囡驚到變冏樣超萌搶Fo【下一頁】

提到做演員的投入，陳豪表示：「以前好唔鍾意自己，因為我好怕醜，細個坐地鐵，好多人望住我，我都覺得好唔舒服，當時未做藝人喎！我一直逃避人眼神，好冇自信，可能自卑心作祟，唔鍾意自己保持呢個狀態，但演戲可以演其他人，突然跳出框框，唔使面對自己嘅渺小，令我更加投入，更加鍾意演戲。」

陳豪透露快將跟Aimee夫妻檔拍劇，陳豪大讚太太用力準備，不斷做運動操弗自己，以應付劇中牽涉的動作戲，「佢唔止，而家有六嚿腹肌，我都冇佢咁勁！」

{{hket:inline-image name="mo3.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉